ABŞ Səbail Rayon Məhkəməsinin Arif Hacılı, Tural Abbaslı, Məhəmməd Məcidli və Fuad Qəhrəmanlını 2 aprel 2011-ci ildə baş vermiş dövlət əleyhinə etirazların planlaşdırılması və təşkil edilməsi ilə ictimai asayişin pozulması barədə gizli razılığa gəlmə ittihamı ilə 3 oktyabr tarixli qərarına təəssüflənir.
Milli Təhlükəsizlik Nazirliyi (MTN) Mətbuat Şurasının bu quruma jurnalist Elmar Hüseynovun qatillərinin tapılmasının sürətləndirilməsi ilə bağlı ünvanladığı müraciəti cavablandırıb. MŞ-dan APA-ya verilən məlumata görə, MTN-dən daxil olan məktubda bildirilir ki, cinayət işi üzrə istintaq hərəkətləri və əməliyyat-axtarış tədbirləri fasiləsiz surətdə davam etdirilir.
Bu gün Səbail Rayon Məhkəməsində İctimai Palatanın (İP) bu il aprelin 2-də keçirdiyi razılaşdırılmamış aksiya ilə bağlı saxlanılan Müsavat Partiyası İcra Aparatının rəhbəri Arif Hacılı, AXCP sədrinin müavini Fuad Qəhrəmanlı, Müsavat Partiyası Gənclər Təşkilatının sədri Tural Abbaslı və AXCP-nin şöbə müdiri Məhəmməd Məcidlinin cinayət işi üzrə məhkəmə prosesi davam etdirilib.
Sentyabrın 28-də ATƏT-in Demokratik Təsisatlar və İnsan Haqları Ofisi tərəfindən Varşavada keçirilən beynəlxalq konfrans öz işini davam etdirib. Ədalətli məhkəmə hüququ, Ədliyyə sisteminin müstəqilliyi və qanunvericiliyin təkmilləşdirilməsi kimi məsələlərə həsr edilən paneldə Azərbaycanda bu sahələrdə mövcud olan vəziyyətlə də bağlı müzakirələr aparılıb.
İnsan hüquq və əsas azadlıqları ilə bağlı Vyanada davam edən beynəlxalq konfransın ikinci günündə konfransda iştirak edən hüquq müdafiəçiləri Azərbaycanda sərbəst toplaşmaq və birləşmək azadlığı ilə bağlı problemlərə toxunublar.
“İnternet televiziyası ilə bağlı məsələ tək Azərbaycanda deyil, dünyada müzakirə mövzusudur. Avropa Şurasına üzv dövlətlərin nazirləri bu məsələ ilə bağlı bir araya gəlsələr də, yekdil qərar qəbul edə bilməyiblər”. APA-nın xəbərinə görə, bunu Milli Televiziya və Radio Şurasının (MTRŞ) sədri Nuşirəvan Məhərrəmli jurnalistlərə açıqlamasında bildirib.
Bu ilin əvvəlindən indiyə qədər dünyada 82 jurnalist öldürülüb. Lent.az-ın İTAR-TASS agentliyinə istinadən verdiyi məlumata görə, bunu Beynəlxalq Mətbuat İnstitutunun direktoru Elison Makkenzi açıqlayıb.
Səbail rayon Məhkəməsində hakim Famil Nəsibovun sədrliyi ilə İctimai Palatanın aprelin 2-də Bakıda keçirdiyi icazəsiz aksiya zamanı saxlanılan şəxslərin məhkəmə prosesi keçirilib. Məhkəmə qarşısına Müsavat Partiyasının icra aparatının rəhbəri Arif Hacılı, Müsavat Partiyasının gənclər təşkilatının sədri Tural Abbaslı, AXCP sədrinin müavini Fuad Qəhrəmanlı və AXCP-nin şöbə müdiri Məhəmməd Məcidli çıxarılıb.
Doktrina Hərbi Araşdırmalar Mərkəzinin rəhbəri, www.milaz.info xəbər saytının baş direktoru Cəsur Sümərinli təzyiq və hədələrə məruz qaldığını deyir. Cəsur Sümərinli keçirdiyi mətbuat konfransında bildirib ki, sentyabr ayının əvvəlindən təzyiq və hədələr müntəzəm xarakter alıb: «Elektron poçt ünvanıma anonim hədə məktubları gəlir. Müdafiə Nazirliyi daha bizimlə əməkdaşlıq etmir, artıq bizə Nazirlik tərəfindən gündəlik məlumatlar göndərilmir. Milaz…
Bu gün (14 sentyabr) Vəkillər Kollegiyasının Rəyasət Heyəti tərəfindən 1 il müddətinə vəkillik fəaliyyəti göstərməkdən məhrum edilən, 6 saylı hüquq məsləhətxanasının vəkili Xalid Bağırova barəsində çıxarılmış qərar təqdim edilib. Bu barədə Reportyorların Azadlıq və Təhlükəsizlik İnstitutuna (RATİ) vəkil X. Bağırovun özü məlumat verib.