Gələn həftə Azərbaycanla Avropa İttifaqı (Aİ) arasında yeni saziş üzrə danışıqların növbəti mərhələsi başlayır. Avropa İttifaqının Azərbaycan nümayəndəliyinin rəhbəri Malena Mard bildirib ki, tərəflər arasında danışıqların geniş gündəliyi var: “Biz bu çərçivədə bir sıra məsələləri müzakirə etməyə hazırıq. Danışıqların başlanmasını səbirsizliklə gözləyirik”.
Malena Mard bildirib ki, Avropa İttifaqı-Azərbaycan biznes forumuna hazırlıq gedir: “Bu məqsədlə Aİ-nin yüksək səviyyəli nümayəndə heyətinin Bakıya səfəri gözlənilir. İyunun 8-də keçiriləcək forumda Azərbaycan və Aİ ölkələrinin 300-ə yaxın şirkətinin iştirakı edəcəyini gözləyirik. Biz biznesmenlərimizdən Azərbaycanda biznes mühiti barədə nə düşündüklərini öyrənə biləcəyik. Həmçinin Azərbaycanda islahatlara necə dəstək verə biləcəyimizi müəyyənləşdirməyi səbirsizliklə gözləyirik”.