İsmayıllı hadisələri ilə bağlı həbs olunan Tofiq Yaqublunun Hüquqlarını Müdafiə Komitəsi yaradılıb. Müdafiə komitəsinin dünən keçirilən təsis iclasında bildirilib ki, Komitə İsmayıllı hadisələrində həbs edilmiş digər şəxsləri, həmçinin REAL-ın rəhbəri İlqar Məmmədovun da müdafiəsini təşkil etməyə çalışacaq.
ABŞ-ın Azərbaycandakı səfirliyi İlqar Məmmədov və Tofiq Yaqublunun həbsindən narahatdır. Bu barədə ABŞ səfirliyinin mətbuat katibi Jonas Stewart AzadlıqRadiosunun son həbslərlə bağlı sualını şərh edərkən deyib: «Yanvarın 23-24-ü hadisələri və ondan sonra keçirilən etirazlarla bağlı biz Azərbaycan hökumətini müvafiq qanuni prosedurlara əməl etməyə və şəffaf, ədalətli məhkəmə prosesinin təmin olunmasına çağırırıq.
“Keçirilən aksiyalarda jurnalist bitərəf olmalı, prosesi kənardan izləməlidir”. APA-nın məlumatına görə, bunu Azərbaycan Mətbuat Şurasının sədri Əflatun Amaşov qurumun 2012-ci il üzrə hesabatı ilə bağlı keçirilən mətbuat konfransında deyib. Ə.Amaşov bildirib ki, aksiyalarda jurnalistlərin fəaliyyəti məsələsi daim gündəmdə olub və burada hər hansı problemin yaranmaması üçün Mətbuat Şurası bir sıra addımlar atır.
Yanvarın 26-da Bakıda ictimai-siyasi fəallar, əsasən gənclərdən ibarət olmaqla, İsmayıllıda baş verən hadisələrə və “Binə” ticarətçilərinə qarşı zorakılıq işlədilməsinə qarşı etiraz məqsədilə aksiya keçirib. Bakıdakı fəallar paytaxtda belə bir aksiya keçirməklə İsmayıllıdakı etirazların qarşısının sərt şəkildə alınmasına diqqət çəkmək istəyirlər. Bir neçə gün əvvəl sosial şəbəkələrdə belə bir aksiyanın keçiriləcəyi ilə bağlı xəbərlər yayılmışdı. “Silahları…
İsmayıllıda əhalinin etiraz aksiyası bu gün də davam etdirilib. Səhər saatlarından İsmayıllı rayon İcra Hakimiyyətinin (İH) binasından bir qədər aralıda xeyli insan toplaşıb. Toplaşanlar icra hakimiyyətinin başçısı Nizami Ələkbərovun istefasını tələb ediblər. Burada aksiya iştirakçıları ilə polis arasında qarşıdurma yaranıb. Polis aksiyanı dağıtmaq üçün gözyaşardıcı qazdan, rezin güllələrdən istifadə edib.
Bu gün «Binə» Ticarət Mərkəzində yerpulu artımına etiraz olaraq satıcılar etiraz aksiyasına başlayıb. Aylıq icarə haqqının 250 manat artırılması satıcıların narazılığına səbəb olub. Buna etiraz olaraq alveri dayandıran satıcılar Ticarət Mərkəzinin qarşısından keçən Bakı-Lökbatan yolunu bağlayıblar.
Bu gün Bakının Fəvvarələr meydanında “Əsgər ölümünə SON” şüarı ilə gənc fəalların etiraz aksiyası keçirildi. Silahlı Qüvvələrdə itkilərin çoxalmasına etiraz edən fəallar əllərində Azərbaycanın, Türkiyənin dövlət bayraqlarını, mərhum əsgərlərin şəkillərini tutmuşdu. Aksiyada əsasən “Şəhidlər ölməz, vətən bölünməz”, “Əsgərimiz ölməsin, Ordu morqa dönməsin”, “Əsgər ölümünə SON” kimi şüarlar səsləndirilirdi.
Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) Müşahidə Şurasının növbəti iclası keçirilib. Iclasda KİVDF-nin icraçı direktoru Vüqar Səfərli deyib ki, dekabrın 4-dən 25-dək 2013-cü ilin I yarımilliyi üçün KİV layihələrinin maliyyələşdirilməsi ilə bağlı Fonda 32 redaksiyadan layihə təklifi daxil olub. Sonra layihə təklifləri Şura üzvlərinin müzakirəsinə verilib. Müzakirələrdə Fonda təqdim…
ATƏT-in media azadlığı üzrə nümayəndəsi Dunya Miyatoviç həbs edilmiş 2 jurnalist və bloqqerin azadlığa buraxılmasını alqışlayıb. APA-nın məlumatına görə, o bildirib ki, “bu, öz işlərini azad şəkildə görməli olan jurnalistlər üçün yaxşı şəraitin yaradılmasına kömək edə biləcək çoxdan atılması gözlənilən addım idi”.
Dekabrın 10-da İctimai Palata Bakıda növbəti etiraz aksiyası keçirdi. Bakı Şəhər İcra Hakimiyyətinin təyin olunduğu yerdə – Milli Məclisin qarşısında keçirilməsinə razılıq vermədiyi aksiya Fəvvarələr Meydanında baş tutdu.