Naxçıvanda səfərdə olan jurnalistlərdən bir qrupuna Muxtar Respublikanı tərk etmək xəbərdarlığı olunub. Bu barədə AzadlıqRadiosuna jurnalist Şahvələd Çobanoğlu məlumat verib. Dediyinə görə, Böyük Bağ deyilən parkda oturduqları zaman polis əməkdaşı onlara yaxınlaşıb Daxili İşlər nazirliyinin idarə rəisinin onlarla görüşmək istədiyini bildirib.
Mətbuat Şurası mərhum jurnalist Elmar Hüseynovun qətlinin araşdırılması prosesinin sürətləndirilməsi ilə bağlı Milli Təhlükəsizlik Nazirliyinə müraciət ünvanlayıb. MŞ-dən APA-ya verilən məlumata görə, müraciətdə bildirilir ki, üzərindən xeyli müddət keçməsinə baxmayaraq Elmar Hüseynovun qətlinin üstünün açılmaması ölkənin media ictimaiyyətində ciddi narahatlıq doğurur və kütləvi informasiya vasitələrinin təmsilçiləri müntəzəm olaraq keçirdikləri toplantılarda məsələyə diqqət yetirirlər.
Sentyabrın 5-də axşam saatlarında “Azadlıq” qəzetinin saytının fəaliyyəti məhdudlaşdırılıb və sayta giriş faktiki olaraq mümkün olmayıb. Bu barədə Reportyorların Azadlıq və Təhlükəsizlik İnstitutuna (RATİ) “Azadlıq” qəzetinin redaktoru Rövşən Hacıyev məlumat verib.
Artıq vətəndaşlar qəzetdə hər hansı bir məlumatı oxuyanda ona inanmır və həmin xəbərin televiziyada təsdiq olunmasını gözləyir”, – Trend-in məlumatına görə, bunu çərşənbə axşamı Mərkəzi Seçki Komissiyasında dairə seçki komissiyalarının (DSK) sədrləri üçün keçirilən ixtisaslaşdırılmış kurslarda çıxışı zamanı Prezident Administrasiyasının İctimai-siyasi məsələlər şöbəsinin müdiri Əli Həsənov deyib.
İnsan Hüquqları üzrə Maarifləndirmə İctimai Birliyinin sədri, vəkil İradə Cavadova Ədliyyə Nazirliyi Penitensiar Xidmətinin 14 saylı cəzaçəkmə müəssisəsində monitorinq keçirib. İ. Cavadova APA-ya açıqlamasında həbsdə olan keçmiş deputatlığa namizəd Bəxtiyar Hacıyevlə görüşdüyünü deyib: “Bəxtiyar Hacıyevin səhhətində problemlər var. Onun gözü xəstədir. Oradakı şərait Bəxtiyarın səhhətinin yaxşılaşmasına imkan vermir”.
Bu gün Göyçay Rayon Məhkəməsində deputatlığa keçmiş namizəd Vidadi İsgəndərovun cinayət işi üzrə məhkəmə prosesi başa çatıb. Vidadi İsgəndərovun vəkili Xalid Bağırovun verdiyi məlumata görə, prosesdə təqsirləndirilən şəxsə hökm oxunub. Hökmə əsasən, V. İsgəndərov 3 il müddətinə azadlıqdan məhrum edilib.
ATƏT-in Bakı ofisi AXCP üzvləri Sahib Kərimov, Arif Alışlı, Zülfüqar Eyvazlı, Babək Həsənov, Müsavat fəalı Elşən Həsənov və bitərəf Elnur İsrəfilovun məhkum edilməsindən narahatlığını ifadə edib. ATƏT-in Bakı ofisinin yaydığı bəyanatda deyilir ki, Bakı ofisi bu məhkəmə işini müşahidə edib və nəticədə prosesin şəffaflığına dair narahatlıq doğuran suallar yaranıb. Qurum işə apellyasiya instansiyasında hərtərəfli baxılacağına…
Avqustun 25-də Göyçay Rayon Məhkəməsində hakimi Elxan Süleymanovun sədrliyi ilə hüquq müdafiəçisi Vidadi İsgəndərovun məhkəməsi keçirilib. Məhkəmədə çıxış edən dövlət ittihamçısı Nəriman Ələkbərov Vidadi İsgəndərovun məhkəmə zamanı gətirdiyi sübutları absurd hesab etdiyini bildirib və onların məhkəmə tərəfindən sübut kimi qəbul edilməməsini istəyib.
Reportyorların Azadlıq və Təhlükəsizlik İnstitutunun Naxçıvandakı bölgə müxbiri Həkimeldostu Mehdiyevə qarşı CM-nin 189-1.1-ci maddəsi ilə (elektrik enerjisi oğurlamaq) açılmış cinayət işi üzrə məhkəmə prosesi başlayır. Məhkəmənin hazırlıq iclası sentyabrın 2-i saat 11.00-a təyin edilib. Bu haqda məlumatı RATİ-yə H.Mehdiyevin özü bildirib.
Bu gün “İctimai Palata” adlandırılan qurumun bu il aprelin 2-də keçirdiyi icazəsiz aksiya ilə əlaqədar həbs olunan 6 nəfərə hökm oxunub. Səbail rayon məhkəməsindən Trend-ə verilən məlumata görə, məhkəmənin hökmü ilə təqsirləndirilənlər – Sahib Kərimov və Elşən Həsənov 2 il, Arif Alışlı 3 il, Elnur İsrafilov 2 il 6 ay, Zülfüqar Eyvazov və Babək Həsənov…