Regional İnsan Hüquqları və Media Mərkəzi yeni layihənin icrasına başlayıb. «Region gənclərinin media sahəsində, sosial şəbəkələrdə iş bacarıqlarının artırılması və bloqqerlik fəaliyyətinin genişləndirilməsi» layihəsi dörd ay müddətində icra ediləcək. Amerika Birləşmiş Ştatlarının Azərbaycandakı səfirliyi tərəfindən dəstəklənən layihə çərçivəsində 40 nəfər gəncə sosial media sahəsində biliklər veriləcək.
Bu gün (17 İyul) mərhum jurnalist, “Monitor” jurnalının baş redaktoru Elmar Hüseynovun doğum günüdür. 2005-ci il mart ayının 2-də qətlə yetirilməsəydisə Elmar Hüseynovun 45 yaşı tamam olacaqdı. Doğum günü münasibətilə media nümayəndələrini, QHT və siyasi partiya rəhbərləri və və E.Hüseynovun dostları 2-ci Fəxri Xiyabanda məzarı üstündə mərhum jurnalistin əziz xatirəsini yad etməklə qeyd etdilər.
Iyulun 2-də Azərbaycan prezidenti yanında Qeyri-Hökumət Təşkilatlarına (QHT) Dövlət Dəstəyi Şurasının təşkilatçılığı ilə “Vətəndaş cəmiyyətinin möhkəmləndirilməsində QHT-hökumət dialoqu” mövzusunda dəyirmi masa keçirilib. Tədbirdə Prezident Administrasiyasının İctimai-siyasi məsələlər şöbəsinin müdiri Əli Həsənov, Qeyri-Hökumət Təşkilatlarına (QHT) Dövlət Dəstəyi Şurasının sədri, millət vəkili Azay Quliyev, vətəndaş cəmiyyəti institutlarının təmsilçiləri iştirak edirdi.
Azərbaycan Mətbuat Şurasında Prezident Administrasiyası ictimai-siyasi şöbəsinin müdiri Əli Həsənov ölkədə fəaliyyət göstərən KİV-lərin baş redaktorları, Mətbuat Şurası İdarə Heyətinin üzvləri və mətbuat yayım şirkətlərinin rəhbərləri ilə görüşüb. APA-nın məlumatına görə, görüşdə mətbuatda reklam və qəzet yayımındakı problemlər müzakirə olunub. Tədbirdə çıxış edən Mətbuat Şurasının sədri Əflatun Amaşov bildirib ki, bir müddət əvvəl 4 baş…
Tərtərdə gənclər üçün yeni mərkəz inşa edilir. Gün.Az-ın Qarabağ üzrə bölgə müxbirinin verdiyi xəbər görə, Tərtər rayonunda Gənclərin Asudə Vaxt Mərkəzinin inşası aparılır.
Diffamasiya haqqında qanunla bağlı bu gün mətbuat konfransı keçirilib. APA-nın məlumatına görə, tədbirdə çıxış edən Media Hüquqları İnistutunun rəhbəri Rəşid Hacılı bildirib ki, Mətbuat Şurası tərəfindən hazırlanan qanun layihəsi daha mükəmməldir: “Bizim təşkilat, Mətbuat Şurası və digər bir təşkilat Diffamasiya haqqında qanun layihəsi hazırlayıb. Lakin onlardan ən mükəmməli Mətbuat Şurası tərəfindən hazırlanan qanun layihəsidir. Həmin…
«Regional İnsan Hüquqları və Media Mərkəzi» İctimai Birliyi müharibədən zərər çəkən ailələrdən olan uşaqlar üçün ödənişsiz dərzilik kurslarını davam etdirir. Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası və Türk İşbirliyi və Kalkınma İdarəsi Başkanlığının (TİKA) Bakı Proqram Koordinatorluğunun dəstəyi ilə həyata keçirilən layihə çərçivəsində ilk qrupda dərslər yekunlaşıb.
Dünən Bakı Apellyasiya Məhkəməsində həbsdə olan sabiq deputatlığa namizəd Bəxtiyar Hacıyevin apellyasiya şikayətinə baxılıb. Pprosesdə B. Hacıyevin apellyasiya şikayəti təmin olunub. Məhkəmə gənc fəal Bəxtiyar Hacıyevin vaxtından əvvəl azadlığa buraxılması haqqında qərar qəbul edib. Prosesdə B. Hacıyevin özü iştirak etməyib. Amma elə dünən Bəxtiyar Hacıyev 14 saylı Cəzaçəkmə Müəssisəsindən azadlığa buraxılıb.
“Evrovision” mahnı yarışının qalibi Lorin məmləkətinə dönəndən sonra mətbuat konfransı keçirib və qazandığı qələbənin təəssüratlarını sevənləriylə paylaşıb. “Azadlıq radiosu”nun məlumatına görə, daha sonra jurnalistlərin suallarını cavablandıran müğənni “Qələbə ilə birlikdə Azərbaycandan özünlə nə aparırsan” sualına müğənni bir qədər düşünərək cavab verdi: “Burada görüşdüyüm müxtəlif insanlar haqqında xatirələrimi”.
Mayın 21-də İctimai Palataya daxil olan müxalifət partiyalarının fəalları Bakının mərkəzində etiraz aksiyası keçirdi. Onlar «Azadlıq!», «İstefa!», «Korrupsiyaya yox!» şüarları səsləndirirdilər. Əvvəlcə aksiyaçılar Nizami küçəsində bir neçə dəfə dövrə vurdular. Həmin vaxt ərazidə polis olsa da aksiyaya müdaxilə etmədi. Bundan sonra aksiyaçılar Sabir bağı istiqamətində yürüş etdilər.