“Xural” qəzetinin baş redaktoru Əvəz Zeynallının saxlanması barədə məlumat yayılıb. Qəzetin baş redaktorunun birinci müavini Anar Niftəliyevin APA-ya verdiyi məlumata görə, onlara Ə. Zeynallının Baş Prokuror yanında Korrupsiyaya Qarşı Mübarizə İdarəsinin əməkdaşları tərəfindən saxlanıldığı bildirilib.
Gürcüstan paytaxtında oktyabrın 20-dən başlayan “Cənubi Qafqaz KİV 8-ci illik konfransında “Plüralizmin inkişafında internetin rolu” mövzusunda iki günlük konfrans keçirilib. APA-nın Gürcüstan bürosunun məlumatına görə, tədbiri giriş sözü ilə ATƏT-in söz və mətbuat azadlığı üzrə nümayəndəsi Dünya Miyatoviç və ATƏT-in KİV məsələləri üzrə bürosunun direktoru Andrey Rixter açıb. Tədbirdə 70-dən çox jurnalist iştirak edib.
Avrasiya Əməkdaşlıq Fondu Bələdiyyə Xidmətlərində Şəffaflığın təmin edilməsi mövzusunda televiziya verilişinin istehsalı üzrə açıq müsabiqə (tender) elan edir. Müsabiqə (tender) Norveçin Statoil Şirkətinin dəstəyi ilə Avrasiya Əməkdaşlıq Fondunun həyata keçirdiyi “Bələdiyyə Xidmətində Şəffaflıq” layihəsinin məqsədlərinə uyğun olaraq bələdiyyələr barədə silsilə verilişlərin hazırlanmasını nəzərdə tutur.
Gəncə şəhərində Mətbuat Evi yaradılacaq. APA-nın qərb bürosunun məlumatına görə, Gəncə Şəhər İcra Hakimiyyətinin başçısı Elmar Vəzliyev bununla bağlı yaxın vaxtlarda sərəncam imzalayacağını bildirib.
Dağlıq Qarabağ münaqişəsi ilə bağlı Azərbaycanın haqq səsinin dünya ictimaiyyətinə çatdırılması və məcburi köçkünlərin problemlərinin həllinə yardım edilməsi Qeyri-Hökumət Təşkilatlarının da önəm verdiyi məsələlərdəndir. Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının yaradılmasından sonra bu iş daha planlı şəkildə aparılır.
Azərbaycan Xalq Cəbhəsi Partiyasının (AXCP) üzvü, gənc fəal Elnur Məcidli təhsil aldığı Qərb Universitetindən xaric edilib. Bu barədə bu gün (13 oktyabr) Reportyorların Azadlıq və Təhlükəsizlik İnstitutuna (RATİ) sözügedən universitetin hüquqşünası Mirələm Ağa məlumat verib.
Bu gün (13 oktyabr) Yasamal rayon məhkəməsində hakim Elçin Qurbanovun sədrliyi ilə ABŞ vətəndaşı Amanda Erikson və Böyük Britaniya vətəndaşı Silya Devisin döyülməsi ilə bağlı cinayət işi üzrə məhkəmə prosesi davam edib. Bu iş üzrə vətəndaşlar Adil Tağızadə, Roman Həsənov, Vüsal Qurbanov və Nazim Hüseynov Cinayət Məcəlləsinin 221.2.1-ci (bir qrup şəxs tərəfindən törədilən xuliqanlıq) ,127.1(qəsdən…
Həbsdə olan gənc fəal Bəxtiyar Hacıyev son zamanlar ətrafında və ailəsində baş verən proseslərlə bağlı ictimaiyyətə müraciət edib. “Media forum” saytının məlumatına görə, müraciətdə deyilir: “Son vaxtlar Azərbaycan hakimiyyəti müxtəlif kanallarla həm cəmiyyətdə, həm də mənim ətrafımda həbsdə saxlanmağımla bağlı qorxunc tablo yaratmağa, cəmiyyəti həbsxanaya düşməkdən qorxutmağa, məni isə çevrəmin təsiri ilə əfv diləməyə çalışır….
Bu gün Bakı Ağır Cinayətlər Məhkəməsində Azərbaycan İslam Partiyasının sədri Hacı Mövsüm Səmədov, partiyanın sədr müavini Vaqif Abdullayev, Astara rayon təşkilatının sədri Rufulla Axundzadə, Mövsüm Səmədovun qayını Firdovsi Məmmədrzayevin, qohumu Dəyanət Səmədovun, partiya üzvü Zülfüqar Mikayılovun və Fəraməz Abbasovun cinayət işi üzrə məhkəmə prosesi davam etdirilib. Hakim Eldar İsmayılovun sədrliyi ilə keçirilən prosesdə təqsirləndirilən şəxslərə…
“Elmar Hüseynovun təkcə qatilləri deyil, bu cinayətlərin sifarişçiləri də aşkarlanmalıdır” deyə Avropa Şurasının insan hüquqları üzrə komissarı Tomas Hammerberq bəyanatla çıxış edərək diqqəti jurnalistlərin zorakılıqdan müdafiəsi probleminə yönəldib. Bu barədə “Turan”ın Strasburqdakı xüsusi müxbiri məlumat verib.